Lady Gaga er hrein og bein - ólíkt (149 ) Íslendingum

Lady Gaga langar til að bæta sig. Hún segist bera ákveðna ábyrgð og að hún sé fyrirmynd. Henni er ekki sama um aðdáendur sína.

Í Rannsóknarskýrslunni komu um 150 manns til að gefa skýrslu. Enginn bar ábyrgð að eigin sögn. Öllum var sama um land og þjóð.

Lærdómurinn sem draga má af þessu er sá að Lady Gaga væri mun betur til þess fallin að reka íslenskar bankastofanir, íslenskar eftirlitsstofnanir og íslenska stjórnsýslu heldur en snillingarnir sem benda hver á annan. Málið er ekki flóknara.

Bæ bæ

Meistaradeild. Sjáumst vonandi aftur haustið 2011 þegar Liverpool verður komið með nýjan þjálfara.

Gerrard sagði að Púllarar yrðu að vinna alla leikina sem eftir væru til að eiga minnsta möguleika á 4. sætinu. Mínir menn féllu strax á fyrsta prófinu. Þeir eru því miður bara ekki betri en þetta.

Ég spái því að martöð okkar Púllara haldi áfram og Gerrard og Torres verði seldir á árinu. Það eina sem mun mögulega gleðja vort rauða hjarta er að vinna litlu Evrópukeppnina.

YNWA.

Schwarzer tryggði Fulham stig á Anfield

Sátt í þjóðfélaginu?

Bjarni Benediktsson, formaður Sjálfstæðisflokksins, segir að þjóðin eigi að sameinast um að draga lærdóm af skýrslu rannsóknarnefndar Alþingis og nýta niðurstöður hennar á uppbyggilegan hátt. Formaðurinn vonar að skýrslan marki upphaf endurreisnar og sátta.

Þetta er allt rétt hjá Bjarna. Sem mið-hægri-miðjumaður verð ég þó að segja að forsendan fyrir sáttum í þjóðfélaginu er að þeir sem sekir eru rétti fram sáttahönd og viðurkenni mistök, afglöp og jafnvel sekt. Hefur það verið gert? Hefur t.d. einhver stjórnmálaflokkur beðist afsökunar á sínum hlut, þótt ekki væri nema á táknrænan hátt? Hvað með þær stofnanir sem áttu að verja okkur? Svarið er nei. Svarið er reyndar NEI því þvert á móti keppast allir við að hvítþvo sjálfan sig og benda á annan.

Ég held að fjórflokkarnir, eigi allir sína sök á því hvernig fór í aðdraganda hrunsins og hversu slæmt fallið var - ekki síst Framsóknar- og Sjálfstæðisflokkar-, sem stóðu að einkavæðingu bankanna, líklega á verulega ámælisverðan hátt.

Á meðan þjóðin hefur ekki verið beðin afsökunar af stjórnsýslu, þingi, stjórnmálaflokkum, bankamönnum og s.k. útrásarvíkingum, er ótímabært að ræða sættir.

Það á Bjarni að vita.

Varist dómhörku og sleggjudóma

Epli og appelsínur

Ekki að það breyti mannkynssögunni eða sé það sem mestu máli skiptir en...

Þegar verið er að skrifa slúðurfrétt í anda visir.is og henni tengist líklega næst launahæsti og einn þekktasti íþróttamaður Bandaríkjanna er lágmark að vita hvaða íþrótt maðurinn stundar. Alex "A-Rod" Rodriquez -er hafnarbotahetja (Baseball) en EKKI körfubotahetja (basketball).

Er þetta svona rosalega flókið mbl.is? Ekki láta slúðurpistlahöfunda skrifa texta sem tengjast íþróttum. Ok?

Í tygjum við þrjá menn

Óvæntar niðurstöður neyslukönnunar

Skoðanakönnun sem fram fór á blogginu mínu og fjallaði um hvar fólk keypti dagvöruna leiddi margt athyglisvert í ljós. Gríðarleg þáttaka skilar raunhæfum niðurstöðum með litlum skekkjumörkum. Alls tóku 19 manns þátt.

Helstu niðurstöður eru þær að flestir versla í Bónus eða 36%. Krónan er með 15% neytenda. Mesta athygli vakti þó sú óvænta niðurstaða að 15% neytenda versla hjá Kaupfélagi Húnvetninga. Það er sláandi niðurstaða í ljósi þess að Kaupfélagið varð gjaldþrota fyrir all nokkru. Dregur þetta nokkuð úr vægi könnunarinnar. Annað sem vekur athygli er slæleg útkoma Hagkaups (þar verslan enginn) og styrkur Melabúðarinnar en þar versla 15% neytenda.

Mér bárust kvartanir frá forsvarsmönnum Fjarðarkaupa og Skagfirðingabúðar á Sauðárkróki yfir því að vera ekki með í könnuninni. Er beðist velvirðingar á mistökunum.

Ó, þú yndislega velferðarstjórn.

Hvar hafa dagar lífs þíns, lit sínum glatað? Nú skal skattleggja meðal" Jóninn" svo það sé pottþétt að hann verði ÖRUGGLEGA GJALDÞROTA. Allt í nafni jöfnuðar og umhverfisverndar.

Hvenig á einstaklingur sem er langtímaatvinnulaus eða jafnvel öryrki með neikvæða greiðslustöðu um hver mánaðarmót og skuldar t.d. 15 milljónir, að geta greitt tekjuskatt af þessari fjárhæð? Viðkomandi "Jón" leitar t.d. heimildar hjá héraðsdómi til að fara í nauðasamning til greiðsluaðlögunar og fær að lokum fulla niðurfellingu skulda sinna. Hann fer heim glaður í bragði uppfullur af bjartsýni og lífsgleði með von um að geta hafið nýtt líf.

Þá les hann nýjstu tilkynningu frá varðmönnum vinstri jöfnuðar." Þú átt að greiða tekjuskatt af þessu vinur". Vonin breytist í vonleysi. Í staðinn fyrir að "Jóninn" geti hafið nýtt líf með gleði í hjarta og með bjartsýnis krafti er hann með vinstrigrænukrata ofbeldi sviptur því öllu af þeim sömu aðilum sem lofuðu honum að vera Skjalborg hans, þ.e. af heilagri Jóhönnu, Steingrími "Égvillekkigeraneittfyriratvinnulífið" Sigfússyni og "félagsmálaráðherra".

Þótt það sé margt ágætt í nýju frumvarpi um aðstoð til handa heimlinum í landinu gerir þetta atriði eitt og sér flest hin algerlega merkingalaus.

Ágæta ríkisstjórn! Þér eruð fífl!

Afskriftir verða skattlagðar

Skagfirðingar sem vettlingi

geta valdið hefði líklega átt að standa í fréttinni um Skagfirðingana sem eiga að mæta í Skagfirðingabúð í lopapeysu. Verða allir að vera í ullarvettlingum sem vettlingi geta valdið?

Skagfirðingar í lopapeysum óskast

Svarta hagkerfi bankanna (WTF!).

Ef þessi frétt er rétt er líklega um eitt grófasta hvítflibbabrot sem þekkst hefur í heimi hvítflibbaglæpa um heim allan. Þetta er eiginlega svartflibbabrot. Við erum að tala um HUNDRUÐI MILLJARÐA sem voru ekki talin fram til skatts. Með öðrum orðum hundruði milljóna sem íslenskir kattgreiðendur urðu af vegna ólýsanlegrar græðgi íslenskra bankamanna. ENRON málið hljómar sem falleg bæn eftir Hallgrím Pétursson í eyrum manns í samanburðinum við þennan óhugnað. Voru menn gjörsamlega vitfirrtir sem störfuðu sem yfirmenn í bönkunum og vissu af þessu?

Ef þeir bankamenn sem var beinlínis kunnugt um þetta "svarta hagkerfi" - ég tala ekki um þá sem beinlínis störfuðu í "hagkerfinu" - eru ennþá að vinna í bankakerfinu eiga þeir að sjá sóma sinn í að hætta störfum strax, biðjast afsökunar og skammast sín. Ákærur og skaðabótakröfur koma væntanlega og vonandi í kjölfarið. Ef ekki er hætta á því að almenningur, vopnaður hrífum, skóflum og öðrum búsáhöldum nái í viðkomandi á bankaskrifstofuna og fleygi út sem hverju öðru rusli.

Hundraða milljarða skattsvik

Lögin felld sem ríkisstjórnin barðist fyrir

Þetta feita NEI segir að ríkisstjórnin ætti að segja þetta gott og biðjast lausnar.

Nær allir segja nei

Raunhæf tillaga til lausnar Icesave-deilunnar

Látum formenn samninganefndar Íslands annars vegar og Bretlands hins vegar (Bretar yrðu jafnframt fulltrúar Hollendinga sökum umboðsleysis og stjórnarkreppu þar í landi) í lokað bardagabúr í anda UFC þar sem allt er leyft. Sá sem fær hinn til að gefast upp vinnur. Beita má öllum brögðum (nema auðvitað ekki sparka í klof andstæðingsins). Nota má penna og skjalatösku sem vopn.

Með þessum hætti er hægt að fá niðurstöðu í málið fljótt og vel auk þess sem þetta sparar skattgreiðendum gríðarlega fjármuni og öll óvissa er úr myndinni.

Þessi tillaga er raunhæf fyrir okkur Íslendinga þar sem formaður íslensku samninganefndarinnar, Lee Bucheit, er karlmannlega gerður til æðis alls og atgervis og er honum vel treystandi til að knýja fram "submission" á andstæðingi sínum.

Annars þarf margra ára samningaþóf og nokkrar samninganefndir til viðbótar til að leysa málið. Hvora leiðina vilt þú?

(tillaga númer tvö væri að láta ríkin gera út um deiluna í landsliðsleik í handbolta...).

„Mjög virk samskipti“