Þetta flækir málin svolítið

Ég er algerlega miður mín og helgin er ónýt. (&$&()5%$$ Þúsund þorskshausar frá Þistilfirði! Nú hugsar maður ekki um annað en af hverju Harry giftist ekki Hermione? Hvort Harry og Ron hefðu þá getað verið vinir áfram ef Harry og Hermione hefðu gengið í hjónaband? Af hverju í ósköpunum varð Hermione hrifinn af Ron en ekki Harry? Ron er svo vælinn. En ef Harry og Hermione hefðu gengið í hjónaband hvað hefði þá orðið um Ginny Weasley, systir Ron? Hefði hún orðið fúl við Harry og kannski byrjað með Draco Lucius Malfoy til að hefna sín? En hefðu Arthur og Molly Weasly samþykkt Malfoy sem tendason? Hann var á Slytherin heimavistinni. Hefði ekki allt breyst í Hogwarts? Þá hefði Malfoy frekar farið í Gryffindor og hann og Harry orðið vinir en ekki óvinir? Kannski að Ron hefði gengið í lið með Slytherin? Og hvað með Snape? Hann hefði þá líklega ekki verið svona drullu leiðinlegur við krakkana, sérstaklega Harry. Snape hefði sagt við þann sem ekki má nefna (Voldemort) að Harry væri bara fínn strákur. Voldemort hefði bara slakað á og einbeitt sér að því að ná líkamlegri heilsu og vinna að góðgerðarmálum. Kannski hefði Dumbledore verið vondi kallinn? Þá hefði aldrei þurft að skrifa allar þessar Harry Potter bækur? Og hvert er maður kominn þá? Ég get þetta ekki lengur. Þetta er allt of flókið fyrir óbeytta Mugga.

Hermione hefði átt að giftast Harry

Athugasemdir

[Ásthildur Cesil Þórðardóttir, 2.2.2014 kl. 12:52]

Hélt að Snape hefði verið löngu dauður þegar kom að þessum hræðilegu  mistökum. 

[Guðmundur St Ragnarsson, 2.2.2014 kl. 14:02]

Þetta er líklega rétt athugasemd Ásthildur. Það hjálpar mér samt alls ekki að skilja þetta allt saman.

[Ásthildur Cesil Þórðardóttir, 2.2.2014 kl. 15:56]

Nei þetta er auðvitað alveg óskiljanlegt. Frúin verður bara að skrifa eina sögu í viðbót og leyfa Harrý og Hermoin ná saman, þá verður auðvitað að finna maka fyrir Ron og Jenný.