Sir Alex Ferguson (a la Ragnar Reykás)

Já hann elskar að tjá sig í fjölmiðlum, skotinn skapstóri. Núna er það vegna þess að fjölmiðlar voru OF JÁKVÆÐIR í garð United leikmanna. Annað hvort er elli kerling farin að ná tökum á kallinum eða að hann er farinn að reyna nýja taktík í sálfræðistríði sínu við Benítez - nema hvoru tveggja sé. Hingað til hefur hann eingöngu kvartað yfir neikvæði fjölmiðla í sinn garð og sinna manna. Afleiðingin virðist vera allt of mikil jákvæðni fjölmiðla í hans garð og það er slæmt, vont, neikvætt.

Sir Alex getur sem sagt skiljanlega ekki höndlað of mikla jákvæðni. Það er ósanngjarnt af fjölmiðlum að vera of jákvæðir. Það getur haft neikvæð andleg áhrif á hann og liðið. Best væri að fjölmiðlar spyrðu Sir Alex eftir hvern leik hvort þeir eigi að vera jákvæðir eða neikvæðir. Þeir eiga auðvitað að hlýða honum. Hann er jú SIR!

Næst kallar Sir Ferguson til blaðamannafundar til að segja þeim að óþolandi sé að fjölmiðlar séu hvorki neikvæðir né jákvæðir. Hann er harður heimur framkvæmdastjórans í enska boltanum. Alltaf að vera að tala við fjölmiðla sem eru annaðhvort góðir eða vondir.

Ferguson: Fréttamenn of jákvæðir

Athugasemdir

[Brattur, 4.4.2009 kl. 00:47]

Það er kalt á toppnum, það veit Sir Alex og það veit ennþá betur Sir Brattur...

[Guðmundur Júlíusson, 4.4.2009 kl. 01:11]

þetta sýnir bara að Benites hafði á réttu að standa þegar hann talaði um að Sir-inn hefði tak á dómurum og fjölmiðlum, þegar kallinn opnar kjaftinn hlusta því miður allir !!! ef honum sýnist svo snýr hann umræðunni við eftir hentugleika. Nóg um það, punktur, áfram Gunners

[Brattur, 4.4.2009 kl. 10:05]

Það skilur nú enginn Benitez þegar hann opnar munninn... enda hef ég alltaf haldið því fram að Benitez sé enginn annar en Houllier í dulargerfi...

[Guðmundur St Ragnarsson, 4.4.2009 kl. 11:41]

Skemmtileg kennig Brattur að Benitez sé Houllier í dulargervi. Kannski hefur franska leyniþjónustan eitthvað með þetta að gera?

[Valgeir Matthías Pálsson (IP-tala skráð) 4.4.2009 kl. 16:12]

Sir. Alex er flottur og ég held að hann verði svona, þegar knattspyrnu sagan verður rituð síðar meir, einn allra besti Knattspyrnustjóri heimsins í dag. Það er mín skoðun. En ég hef svo sem ekki neitt rosalega mikið vit á fótbolta. En, nóg til þess að vita margt um þessi mál. Eigðu góðan dag.

[andri kárason (IP-tala skráð) 4.4.2009 kl. 17:35]

Já, það er merkilegt hvað andstæðingar Sir Alex fara á taugum í hvert sinn sem kallinn opnar munninn.  Þeir eiga allir eitt sameiginlegt: þeir elska að hata kallinn ! Tek undir með Valgeiri, Ferguson er búinn að skrá sig í sögubækurnar sem einn allra snjallasti og farsælasti stjóri knattspyrnusögunnar.Punktur.

[Hilmar Gunnlaugsson, 5.4.2009 kl. 21:14]

Alveg sammála Valgeiri

[Sævar Matthíasson (IP-tala skráð) 6.4.2009 kl. 13:08]

Það er alltaf eins þessum Liverpool aðdáendum þeir hrynja á taugum og fara að skíta út frábæran knattspyrnustjóra