Straumar frá Guðfinnu Þorsteinsdóttur (Erlu skáldkonu)

Vonandi er rétt með haft um ljóðið og höfund og mig langar að birta þetta hérna með þeim fyrirvara.
Þetta ljóð var í á glugga pysluvagnsins við Sundlaug Vesturbæjar og á einkar vel við á þessum erfiðleikatímum:

-----

Vertu alltaf hress í huga,
hvað sem kann að mæta þér.
Lát ei sorg né böl þig buga,
baggi margra þyrnir er.

Vertu sanngjarn, vertu mildur,
vægðu þeim sem mót þér braut.
Bið þinn Guð um hreinna hjarta,
hjálp í lífsins vanda og þraut.

Treystu því að þér á herðar,
þyngri byrðar ei varpað er.
En þú hefur afl að bera,
orka blundar næg er þér.

Þerraðu kinnar þess er grætur,
þvoðu kaun hins særða manns.
Sendu inn í sérhvert hjarta,
sólargeisla kærleikans.

Athugasemdir

[Ruth, 4.5.2009 kl. 23:46]

Yndislegt þakka þér kærlega fyrir að birta þetta Guð blessi þig

[Valgeir Matthías Pálsson (IP-tala skráð) 5.5.2009 kl. 18:23]

Fallegt hjá þér Muggi. Æðislegt. Hafðu það sem best vinur eins og alltaf.