En engin Sundabraut. Hvar eru þingmenn Reykvíkinga?

Ekki skrýtið að Kristján Möller fagni þessu. Gæluverkefnið hans um kjördæmasinnuð Vaðlaheiðagöng er á lista lífeyrissjóðanna - sjálfsagt eftir góðlátlega ábendingu samgönguráðherrans siglfirska.

Sjálfsagt má deila um forgangsröðun í opinberum framkvæmdum og ég hef fullan skilning á því að atvinnuátak þarf á landsbyggðinni nú sem fyrr. En það er eins og Sundabrautin sé fantasía úr ævintýri eftir Tolkien - skemmtileg hugdetta en óraunveruleg - og er ekkert minnst á framkvæmd Sundabrautar sem eru ekki góð tíðindi fyrir Reykavíkinga og reyndar landsmenn alla sem nauðsynleg samgöngubót í höfuðborginni.

Og ekki heyrist "múkk" frá þingmönnum Reykjavíkurkjördæmis norður um þetta málefni frekar en fyrri daginn!!!!

Setja 100 milljarða í framkvæmdir

Athugasemdir

[Gísli Gunnlaugsson (IP-tala skráð) 29.6.2009 kl. 09:19]

Finnst þér virkilega að höfðuborgarsvæðið hafi verið sniðgengið í framkvæmdum á undanförnum árum.  Kanski að það ætti að flytja framkvæmdir við tónlistarhús og hátæknisjúkrahús og fara í vegagerð í staðinn.  En ég held að höfðuborgarbúar þurfi ekki að vera harmi slegnir yfir opinberum framkvæmdum og uppbyggingu á landsbyggðinni.

[Guðmundur St Ragnarsson, 29.6.2009 kl. 10:48]

Já í vegaframkvæmdum Gísli. Ég er landsbyggðarmaður að ætt og uppruna og vil hags þess sem bestan. En það er bara rugl að klára ekki Sundabrautina.

Ég er mjög fylgjandi framkvæmdum á landsbyggðinni sem sagt en Vaðlaheiðagögn... ehhhhhh. Veit ekki. Held að það sé margt meira áríðandi en enn ein göngin. Af hverju ekki að setja einhverja milljarða í alvöru atvinnuuppbyggingu og nýsköpun á landsbyggðinni Gísli í staðinn fyrir að örfáir stórverktakar hagnist.

[Finnur Bárðarson, 29.6.2009 kl. 17:51]

Það hefur verið sagt að þingmenn Reykjavíkur eru þingmenn alls landsins, en landsbyggðarþingmenn eru fyrir sín kjördæmi. Spurt er: Hvar er mesta umferðin, hvar búa flestir ? Þetta andskotans kjördæmapot á að strika út í eitt skipti fyrir öll með því að gera landið að einu kjördæmi. Annað er óþolandi misrétti. Sendum Möller bara heim í sveitina sína og hann má taka Jón Bjarna með.

[Valgeir Matthías Pálsson (IP-tala skráð) 30.6.2009 kl. 15:24]

Og enn engin breikkun á Suðurlandsvegi. Þetta er bara hrykalegt ástand. Það á víst að ráðast í Vaðlaheiðargöng og þau kosta nú sitt.

Afhverju ekki að setja þessa peninga í breikkun Suðurlandsvegar og geyma aðeins göngin fyrir norðan? Ég bara spyr.

Eigðu góðan dag Muggi minn (Guðmundur minn) hehehe.

Bestu kveðjur.

[Rósa Aðalsteinsdóttir, 30.6.2009 kl. 20:58]

Sæll og blessaður

Ég aftur á móti fagna Valaheiðagöng og hefði viljað að það hefði verið búið að gera fleiri göng áður en hrunið varð.

Vélhjólasamtökin Trúboðarnir voru á ferð á Ak. um helgina og fóru á Húsavík og þaðan til Egilsstaða. Treystu sér ekki til að koma hingað til okkar vegna þess að leiðin til Vopnafjarðar frá þjóðvegi 1 er að hluta til ennþá ómalbikuð. Sumstaðar er vegurinn svo mjór að það eru útskot til að mæta bílum.

Við á hjara veraldar höfum verið útundan með svo margt á meðan Reykjavíkurborg hefur blómstrað.

Guð veri með þér kæri trúbróðir

Shalom/Rósa

[Guðmundur St Ragnarsson, 1.7.2009 kl. 11:20]

Takk fyrir innlitið kæru vinir.