Innan við milljón í bætur fyrir sálarmorð

Ég sá myndina um Breiðavíkurdrengina í gær. Nú birtast fréttir þess efnis að ekki gangi saman með Breiðavikursamtökunum og yfirvöldum um bótagreiðslur þeim eða afkomendur þeirra til handa. Ef þessar tölur eru réttar sem ríkið hyggst bjóða (virðist vera "take it - or leave it" dæmi) þá eru bæturnar innan við milljón á einstakling sem þarna dvaldi.

Þótt menn hafi dvalið þarna mislengi eru þetta smánarlegar bætur og til skammar fyrir yfirvöld. Gleymum því ekki að í mörgum tilfellum hefur lífi þessara manna verið rústað. Eyðilagt af heimili sem rekið var að ríkinu. Það er mjög brýnt að ná sátt við Breiðavíkursamtökin um málið því þetta mál er dökkur blettur á íslensku samfélagi. Við eigum að hjálpa þessum drengjum að ljúka málinu að þessu leytinu en málinu líkur kannski aldrei í sál og sinni þeirra sjálfra. Því miður.

Engin sátt í Breiðavíkurmáli

Athugasemdir

[Sverrir Halldórsson, 2.4.2009 kl. 23:29]

GRÁTlegt sama hvernig maður lítur á þetta Breiðavíkurmál.

Þetta snertir svo marga, ekki bara drengina sjálfa heldur alla sem tengjast þeim á einn eða annan hátt td. fjölskylda þeirra.

 Eina sem mér kemur í hug er bæn um að vilji Drottins nái fram að ganga og gefa af sér eitthvað yfirnáttúrulegt kraftaverk í lífi allra sem tengdust og tengjast því á einn eða annan hátt.

Kannski er Drottinn þegar byrjaður verkið, ja hver veit. Ég vona allavega á það sjáfur persónulega.

Hafðu blessaðan dag/nótt muggi

í Jesú nafni amen

[Valgeir Matthías Pálsson (IP-tala skráð) 2.4.2009 kl. 23:36]

Sælir.

Mér finnst bara að það eigi að borga þessum ágætu mönnum sem þarna voru veglegar bætur vegna þess harðræðist sem þarna við gekkst. Þetta hefur verið hrykaleg reynsla fyrir þessa menn og þeir munu sjálfsagt þurfa að einhverju leiti að bera það tjón sem varð á sál þeirra alla ævi. Þetta er náttúrulega bara hrykalegt og maður vonar bara að allt verði gert fyrir þessa sóma menn. Vissulega hafa margir þeirra átt við óreglu að stríða, en er það skrýtið? Ég meina, þeir voru vísvitandi beittir harðræði þarna á Breiðuvík í margar vikur, mánuði og jafnvel ár. Þetta er hrykalegt.

En gangi þér sem best vinur.

[Guðmundur St Ragnarsson, 3.4.2009 kl. 00:41]

Takk kæru vinir fyrir innlitið :)