Samsæri gegn Gerrard

Hver getur haldið því fram að íþróttahetjan, foringinn og öðlingurinn Gerrard hafi meitt annan mann? Ég held að þessar fáránlegu ásakanir séu runnar undan rifjum Sir Alex Ferguson í sálfræðistríði sínu við Benítes. Auðvelt er að ímynda sér að Sir Alex hafi fengið plötusnúðinn á veitingastaðnum til að ögra Gerrard og vinir Gerrard hafi látið hendur skipta. Markmiðið? Jú að reyna að taka besta leikmann heims úr leik til að hjálpa United á lokasprettinum um titilinn. Ég hef reyndar fengið þetta staðfest frá innanbúðarmanni hjá United sem ekki vill láta nafns síns getið og sem ég má ekki láta trúnaðargögn af hendi og ber við bankaleynd.

Gerrard myndi sjálfur aldrei gera sálu mein. Ég legg til að hann verði aðlaður enda á hann það skilið. Sir Steven Gerrard hljómar vel!

Gerrard lýsir sig saklausan

Athugasemdir

[Sigurður Sigurðsson, 3.4.2009 kl. 16:46]

Góð færsla hjá þér, sammála þér í einu og öllu hér.

Sir Steven Gerrard hljómar frábærlega  !!

[Baldur Hermannsson, 3.4.2009 kl. 17:42]

Sir Steven hljómar ágætlega og víst er hann afburðamaður í fórbolta, en hitt er líka víst að ekki hefur popparinn misþyrmt sjálfum sér. Það má deila um þátt Gerrards í þessu og við sem hér sitjum og bloggum vitum minnst um það. En samsæri - nei Guðmundur. Ef Liverpool vinnur ekki titilinn þá er það þeim sjálfum að kenna en ekki einhverjum plötusnúð á knæpu.

[Guðmundur St Ragnarsson, 3.4.2009 kl. 18:06]

Ég tek athugasemdir þínar til gagngerrar skoðunar Baldur.

[Baldur Hermannsson, 3.4.2009 kl. 18:09]

Vertu ekkert að því Guðmundur, það er fljótlegra að samþykkja þær gagnrýnislaust.

[Valgeir Matthías Pálsson (IP-tala skráð) 3.4.2009 kl. 19:38]

Sælir.

Mér finnst persónulega að Gerard sé besti knattspyrnu maður í heimi. Það er mín skoðun. En það eru örugglega til miklu fleiri góðir menn í þesusm bransa heldur en hann.

Gangi þér vel vinur og takk fyrir góða pistla.

[Björn Jónsson, 3.4.2009 kl. 19:45]

Sammála Baldri, þó svo Sir Alex Ferguson sé öflugur held ég að hann hefði frekar haft samband við Davíð Oddson til að skemma fyrir Lifrar Púllunum, hann rústaði jú hagkerfi Jarðarinnar eins og skítadreifararnir í VG segja.

Annars til hamingju með framlengingu á samningum tveggja góðra manna.