David Silva er góður kostur

Það yrði frábært að fá þennan eðalleikmann frá Valencia, gamla félaginu Senjor Benítes. En er hann ekki miðjuleikmaður? Mér finnst vanta góðan sóknarleikmann frammi með "Stráknum" til að þétta gott lið enn frekar.

Góðar stundir

Muggi.

Benítez: Er ekki á höttunum eftir Silva

Norðurbakkinn í Hafnarfirði

Mikið skelfingar ósköp er ég sammála Magnúsi Skúlasyni um skipulagsslysin hér á landi. Forsvarsmenn bæjarstjórnar og skipulagsyfirvalda í Hafnarfiri ættu að vera neyddir til að flytja sjálfir í húsin í Norðurbakkanum til að upplifa hryllinginn af eigin raun.

Norðurbakkinn í Hafnarfirði var kjörið tækifæri til að byggja frábært brygguhverfi, líklega það skemmtilegasta á landinu. Hverfi sem hægt hefði verið að tengja við miðbæinn á skipulagslega skemmtilegan hátt. Nei það þurfti að hrúga eins miklu byggingarmagni og leyfilegt er og sem verktakinn hefur sjálfsagt krafist. Engin sjálfstæð hugsun hjá skipulagsyfirvöldum í Hafnarfirði. Engin gagnrýnin hugsun. Sem sagt skipulagsslys!

Eftir standa stór, auð og virkilega ljót hús. Hver gat samþykkt þetta svona? Þessi hús munu því miður ekki verða rifin og standa því þarna um ókomin ár, Hafnfirðingum og öðrum til ama og leiðinda.

Verstu skipulagsslysin

Ingibjörg Sólrún gleymir lið nr. 7

Áframhald á upptalningu Ingibjargar Sólrúnar á ástæðu hrunsins á Íslandi sem hún gleymdi að minnast á:

7. Algjör skortur á eftirliti og aðgerðum íslenskra stjórnvalda og þeirra stofnana sem stjórnvöld bera ábyrgð á. Algert aðgerðarleysi stjórnvalda, þ.m.t. ríkisstjórnarinnar, þegar ljóst var í upphafi ársins 2008 hvert stefndi. Algjör vanhæfni og athafnaleysi við upphaf hrunsins og máttleysi við að slá hina svokölluðu "Skjaldborg" um heimili landsins, eins og lofað var og aðstoð til fyrirtækja til að snúa hjólum atvinnulífsins í gang.

Siðrof í íslensku samfélagi

Þú átt hrós skilið Geir!

Loksins kom afsökunarbeiðni. Loksins játað að mistök voru gerð. Geir hefði mátt gera þetta miklu fyrr og þá beint til þjóðarinnar allrar í staðinn fyrir að gera það í opnunarávarpi til samflokksfélaga. En þetta er líklega góð tímasetning svona "PR-lega".

Batnandi mönnum er best að lifa. Hrósa ber fyrir það þegar menn iðrast og játa mistök. Nú bíður maður eftir að heyra í Ingibjörgu Sólrúnu, Össuri og viðskiptaráðherrunum fyrrverandi Björgvini og Valgerði. Þau þurfa líka að gera hreint fyrir sínum dyrum.

Eða hvað?

Mistök gerð við einkavæðingu

Hver er þessi Crouch?

Það hefur ekki komið mikið út úr hinum 2 metra háa Peter Crouch eftir að hann hætti hjá Liverpool. Hann er samt ennþá í landsliðinu. Hann getur þó verið svona "super-sub" sérstaklega ef það þarf að jafna metin og hinn ítalski Capello vildi láta dæla háaum boltum inn í teiginn.

Mér finnst þó þessi langalengja ekki eiga heima í landsliðinu - ekki heldur þegar hann var með Liverpool.

Hæpið að Crouch og Phillips spili gegn Slóvökum

Höfundur hinnar fullkomnu vítaspyrnu.

Það er greinilegt að vísindamennirnir við John Moores háskólann í Liverpool hafa haft Steven Gerrard sem tilraunadýr við að fá út þessa merka niðurstöðu, þ.e. hvernig hin fullkoma vítaspyrna er framkvæmd. Fyrir það ber að þakka.

Hin fullkomna vítaspyrna fundin

Ertu ekki að grínast Rió?

Auðvitað á Steven Gerrard að fá viðurkenninguna. Hefur verið frábær á miðjunni hjá Liverpool bæði í ensku deildinni og Meistaradeildinni. Þegar meira að segja Zidane segir hann bestan í heimi og gott ef Ryan Giggs hafi ekki sagt það sama þá er þetta ekki spurning.

Gerrard er auðvitað sjálfur hógværðin uppmáluð og finnst miðjumenn Barcelona (Iniesta, Xavi og Messi) vera þeir bestu í heimi. Við getum öll fallist á, líka MU aðdáendur að Gerrard er í hópi þeirra bestu. Ronaldu er auðvitað frábær en ekki eins góður og í fyrra.

Bestu kveðjur til allra annarra en Rio Ferdinad!

Muggi.

Rio Ferdinand: Vidic leikmaður ársins

Hipp hipp, húrra!

Afar gleðileg tíðindi og löngu tímabær en batnandi fólki er best að lifa. Þegar við bætist Eva Joly og sérfræðingar á hennar vegum er þetta að stefna í rétta átt.

En af hverju var þetta ekki gert fyrir 5-6 mánuðum?

Saksóknari fær 16 fastráðna

Bla bla bla bla bla bla bla bla

Svona hljóðar tilvitun í ráðherranna fyrrverandi: Valgerður Sverrisdóttir, fyrrverandi viðskiptaráðherra, telur ljóst að einhver mistök hafi verið gerð við einkavæðinguna. „Hins vegar er ómögulegt að fullyrða að þau hafi verið svo alvarleg að það hefði breytt einhverju um það sem við stöndum frammi fyrir núna.“

Ég hefði haft fréttina svona: Valgerður sagði bla, bla bla, kannski, bla bla, e.t.v., bla bla bla. Hún sagðist ennfremur bera sko alls enga ábyrgð þótt hún hafi verið bankamálaráðherra þegar bankarnir voru einkavæddir og málið hafi verið illa unnið og fyrirséð hafi verið að bankarnir voru einkavinavæddir. Aðspurð segir ráðherrann fyrrverandi engu máli skipta þótt Finnur Ingólfsson og Ólafur Ólafsson hafi mynd af henni á náttborðum sínum sem þeir kyssa alltaf góða nótt áður en þeir kyssa eiginkonurnar og fara að sofa.

Segja að mistök hafi verið gerð við einkavæðingu bankanna

Allt leikur í lyndi hjá Frjálslyndum

Getur ekki einhver miskunnasamur ekki hjálpað þessum flokki að binda enda á líf sitt svo eigin flokksmenn þurfi ekki að gera það sjálfir. Það lítur betur út svona á pappírunum.

Farsinn í kringum þennan svokallaða stjórnmálaflokk er þannig að það tæki 5 heila Spaugstofuþætti að lýsa ósköpunum.

Ásgerður hættir í Frjálslynda flokknum