Fréttir (tímasettar) í pólitískum tilgangi?

Það er mjög, mjög, slæmt ef menn missa eigur sínar og harmleikur ekki síst ef það er vegna þess að viðkomandi hefur gengist í ábyrgð fyrir aðra. Það er þó enn verra þegar menn bera harmleiki sína, þ.m.t. fjölskylduharmleiki og vináttuslit fram í s.k. ,,opnum" bréfum dagblaðanna. Mér finnst það ólíkt Morgunblaðinu að leyfa birtingu á grein sem þessari og blaðinu til vansa. Þessi frétt er í algjörum ,,DV-stíl".

Ég er afar ósammála Birni Vali Gíslasyni í pólitík. Þessi grein birtist hins vegar á sama tíma og Björn Valur er mjög áberandi í umræðunni um ICESAVE og forsetann. Tilviljun?

Ég tek fram að ég er algerlega ósammála Birni Val í hans pólitík um ICESAVE o.fl. en mér hugnast lítt þessi fréttamennska og framsetning þessarar fréttar.

Saknar vináttu sem glataðist

Athugasemdir

[Hólmfríður Bjarnadóttir, 7.1.2010 kl. 01:06]

Ætli þetta sé svo mikil tilviljun með tímasetninguna. Það er barist á öllum vígstöðvum. Ég er sammála Birni Val varðandi ICESAVE þó ég sé ekki kjósandi VG. Förum ekki nánar út í það, eins og sagt er svo oft í Spaugstofunni.

[Guðmundur St Ragnarsson, 7.1.2010 kl. 01:35]

Takk fyrir innlitið Fríða. Alltaf gott að vitna í Spaugstofuna