Áfall

Hinn mennski Tiger Woods (áður talinn ofurmenni) og hin sænska Elin Nordegren eru skilin. Það er hinn harði veruleiki sem allir kylfingar (líka þeir sem eru með 36 í forgjöf) verða að sætta sig við. Við sem einhvern tímann höfum stundað golf héldum að Tiger væri ósigrandi ofurmenni, fyrirmyndarfaðir og eiginmaður. Svo bregðst krosstré sem 3-tré (Callaway).

Skilnaðurinn er reyndar gleðiefni fyrir Svía en gjaldeyrirsvaraforði Seðlabankans þar í landi mun aukast umtalsvert þegar Elin flytur heim til Svíþjóðar með helming eigna Woods.

Tiger Woods og Elin skilin

Athugasemdir

[Björn Birgisson, 23.8.2010 kl. 23:24]

Muggi, þú ert með svo háa forgjöf að þú mátt ekkert fjalla um Tigerinn! Ég má það, en nenni ekki! En gott að heyra að Elín sé á lausu!

Gerðu mér nú greiða, elsku drengurinn!

Farðu á síðuna mína, finndu þar færsluna Geir Waage í gustinum, og svaraðu þar framlögðum spurningum með allri þinni kunnáttu í lögum landsins!

Ég treysti á þig og ef þú veldur mér vonbrigðum mun ég samt treysta á þig og væri vís til þess að bjóða þér í golf á Húsatóftavelli!

[Guðmundur St Ragnarsson, 24.8.2010 kl. 00:05]

Mér er mikill heiður að tvöfaldur einherji heiðri mig með nærveru sinni. Þér leiðist nú ekki að heyra um Tigerinn Björn, sérstaklega þegar sambúðarslitin við sænsku skvísuna eru loksins staðfest.

-----

Ég skal reyna að valda ekki vonbrigðum en mun taka aukaæfingar til að lækka forgjöfina mína svo ég sé þess verðugur að mæta á virðulegan Húsatóftavöll eigi síðar en á árinu 2011.

[Björn Birgisson, 24.8.2010 kl. 00:57]

Nákvæmlega svona eiga góðir bændur að svara!  En virtu beiðni mína!

[Axel Jóhann Hallgrímsson, 24.8.2010 kl. 11:04]

Tigerinn er flottur á vellinum, þó hann hafi verið í lægð undanfarið af skiljanlegum ástæðum. Hann á auðvitað rétt á sínu einkalífi eins og aðrir. Það er ekki ólíklegt að fjölmiðlafárið um einkamál þeirra hjóna hafi átt mestan þátt í því hvernig úr þeim vandamálum spilaðist.