Kleópatra (með fallega nefið) er ekki afrísk!

Ég tek ekkert mark á þessari fornleifarannsókn. Það kemur hvergi fram í bókinni Ástríkur og Kleópatra eftir Coscinny og Uderzo að hún hafi verið af afrískum uppruna. Þvert á móti sýnist hún vera ekta forn-Egypti (eða Egifti eins og Illugi Jökulsson myndi segja). Hún er með slétt svart hár og afar fallegt nef, svo fallegt að Seiðríkur Seiðkarl heillast upp úr skónum og má vart mæla af hrifingu í hennar garð. Í bókinni eru nokkrir afrískrir þrælar. Þeir líta bara allt öðruvísi út og líkjast henni ekki á nokkurn hátt. Þeir bera sig vel og allt svoleiðis. Bara líkjast henni ekki!

Af þessari bók - sem er líklega besta sögulega heimild um Kleópötru - kemur skýrlega fram heit egypsk ættjarðarást hennar. Hún fólst einkum í því að niðurlægja Júlíus Sesar, Rómarkeisara, með smíði fallegrar rómverskrar byggingar á Egypskri grundu. Svona til að sýna mátt og megin Egypa. Kleópatra minnir um magt á Hallgerði langbrók að mínu mati, skapheit og falleg. Hún er bara aðeins dekkri á hörund en Hallgerður okkar.

Ekki fleiri sögufalsanir á síðum mbl.is takk fyrir!

Kveðja,
Muggi.

Kleópatra af afrískum uppruna

Athugasemdir

[Margrét (IP-tala skráð) 17.3.2009 kl. 10:28]

Seinast þegar ég athugaði þá var Egyptaland hluti af Afríku.

[Guðmundur St Ragnarsson, 17.3.2009 kl. 12:07]

Já landfræðilega en ekki kynþáttalega. Að vera afrískur Margrét hefur hingað til einskoraðst við svæðið sunnan Sahara eða þar um bil og alla leið til austurs. Til dæmis er sjaldnast talað um Alsíringa sem afríska. Það að vera afrískur á frekar við þeldökkt fólk.

En Kleópatra á betra skilið en að fara með þessa umræðu niður á svona plan!

[Árný Ingveldur Brynjarsdóttir (IP-tala skráð) 17.3.2009 kl. 12:54]

Held þú þurfir að lesa söguna þína betur ;) því það var ekki óalgengt að egyptar til forna blönduðu blóði sínu við afríska, þeas þeldökka eins og við myndum skilgreina það. Egyptar réðu yfir vissum svæðum fyrir utan egyptaland og eins og víkingarnir okkar fóru í víking og tóku með sér konur frá sem dæmi Írlandi þá varð svipuð blöndun líka á þessum tíma.

[Baldur (IP-tala skráð) 17.3.2009 kl. 14:22]

Ef tungumálin sem er voru töluð í norður afríku áður en arabíska varð þar ríkjandi, eru skoðuð, kemur í ljós að þau eru flest afró-asísk tungumál. Þar er koptíska sem ég held að hafi verið töluð í Egyptalandi á tímum Kleópötru engin undantekkning.

 Það hafa alltaf verið sterk tengsl milli afríku norðan og sunnan sahara. Fólk frá Alsír er oft kallað afrískt og það er mjög einfalt að sjá líkindin með alsírsku fólki sem stafar af Berber kyni og því fólki sem er kallað þeldökkt fólk.

Aftur á móti hefur alltaf verið talið að Kleópatra hafi verið af grísku bergi brotin, en grísk yfirstétt réði ríkjum í Egyptalandi á tímum Kleópötru

[Leifur (IP-tala skráð) 17.3.2009 kl. 14:36]

Ég hef aldrei heyrt að berbar séu afrískir (s.s. ethnískt séð blökkumenn), heldur einmitt að þeir séu mjög evrópskir í útliti og jafnvel allt að þriðjungur barna þeirra fæðist ljós eða rauðhærð. En þeim fækkar stöðugt vegna mismununar arabanna sem ráða löndum norður Afríku. Þeir fá ekki einu sinni að nefna börnin sín hefðbundnum berbanöfnum.

Þessi Berbi hér minnir mig t.a.m. helst á Íra:http://upload.wikimedia.org/wikipedia/commons/d/d1/Dany_Boon_Postier.JPG

Og Zidane sker sig ekki mjög úr innan um evrópumenn.

[Guðmundur St Ragnarsson, 17.3.2009 kl. 20:16]

Takk fyrir athugasemdir allir. Viðurkenni algjöra vanþekkingu mína á efninu en ég kann Ástrík og félaga utanað!

Kveðja,

Muggi.

[Gísli Torfi, 18.3.2009 kl. 07:37]

skemmtileg lesning Muggi.  ég er aðdáandi Ástríks líka og Ljóðríks.