Nýtt stórveldi í knattspyrnuheiminum lítur dagsins ljós

Það er fagnaðarefni að eini fótboltarisi Húnaþings og nærsveita (þ.m.t. Sauðárkróks), HVÖT á Blönduósi, skuli vera kominn þangað sem hann á heima: Í Evrópukeppni í knattspyrnu. Er það líklega einsdæmi í gjörvallri álfunni - og þótt víðar væri leitað - að sveitarfélag sem telur um 900 manns eigi fulltrúa í Evrópukeppninni í knattspyrnu.

Nú er spurning hvort þurfi ekki að stækka Blönduósvöll, fá stúku, þ.m.t. heiðursstúku og a.m.k. 10.000 sæti fyrir almenning, vegna þess að þetta evrópukeppnislið; HVÖT FC á Blönduósi, er rétt að hefja meistaravegferð sína á alþjóðlega knattspyrnulistasviðinu, um aldir alda.

Hvöt í Evrópukeppni í Austurríki

Athugasemdir

[Rafn Haraldur Sigurðsson (IP-tala skráð) 2.7.2009 kl. 17:34]

Vona bara að þeir muni standa sig vel og verða landi og þjóð til sóma. Ekki veitir af

kveðja Rafn.

[Valgeir Matthías Pálsson (IP-tala skráð) 2.7.2009 kl. 23:15]

Glæsilegt. Til hamingju. Frábært.

[Haraldur Aðalbjörn Haraldsson (IP-tala skráð) 3.7.2009 kl. 11:29]

Þeir hafa löngum verið fótfimir  í Húnaþingi þannig að ég er ekki neitt hiissa á þessu hjá þeim!

[Sigurður Þorsteinsson, 5.7.2009 kl. 09:08]

Hvar skyldi úrslitaleikurinn fara fram? Er ekki ástæða til þess að tryggja sér miða í tíma? Þetta verður mjög skemmtilegt fyrir Blönduósinga.

[Rósa Aðalsteinsdóttir, 7.7.2009 kl. 20:53]

Sæll og blessaður.

Glæsilegt. Kannski afkomendur Fjalla Eyvindar?

Guð veri með þér

Kær kveðja/Rósa

[Magnús Þór Jónsson, 8.7.2009 kl. 00:30]

Ekki trúi ég öðru frændi en að þú sért þessa dagana að pakka sólaráburði og kælipoka, á góðri leið til Austurríkis!!!