Þetta flækir málin svolítið

Ég er algerlega miður mín og helgin er ónýt. (&$&()5%$$ Þúsund þorskshausar frá Þistilfirði! Nú hugsar maður ekki um annað en af hverju Harry giftist ekki Hermione? Hvort Harry og Ron hefðu þá getað verið vinir áfram ef Harry og Hermione hefðu gengið í hjónaband? Af hverju í ósköpunum varð Hermione hrifinn af Ron en ekki Harry? Ron er svo vælinn. En ef Harry og Hermione hefðu gengið í hjónaband hvað hefði þá orðið um Ginny Weasley, systir Ron? Hefði hún orðið fúl við Harry og kannski byrjað með Draco Lucius Malfoy til að hefna sín? En hefðu Arthur og Molly Weasly samþykkt Malfoy sem tendason? Hann var á Slytherin heimavistinni. Hefði ekki allt breyst í Hogwarts? Þá hefði Malfoy frekar farið í Gryffindor og hann og Harry orðið vinir en ekki óvinir? Kannski að Ron hefði gengið í lið með Slytherin? Og hvað með Snape? Hann hefði þá líklega ekki verið svona drullu leiðinlegur við krakkana, sérstaklega Harry. Snape hefði sagt við þann sem ekki má nefna (Voldemort) að Harry væri bara fínn strákur. Voldemort hefði bara slakað á og einbeitt sér að því að ná líkamlegri heilsu og vinna að góðgerðarmálum. Kannski hefði Dumbledore verið vondi kallinn? Þá hefði aldrei þurft að skrifa allar þessar Harry Potter bækur? Og hvert er maður kominn þá? Ég get þetta ekki lengur. Þetta er allt of flókið fyrir óbeytta Mugga.
mbl.is Hermione hefði átt að giftast Harry
Tilkynna um óviðeigandi tengingu við frétt

Freddie Mercury mesta rokkstjarna í heimi?

Ég er sammála því að Freddie Mercury úr Queen er flottur á toppnum sem mesta rokkhetjan fyrr og síðar í þessari kosningu. Skrýtið samt að Jaggerinn skuli bara rétt ná í 10. sætið. Hvað er það? Og hvar geyma menn Eddie Vedder úr Pearl Jam? Hvað er svo Ozzy Osbourne eiginlega að gera á þessum lista? Í burtu með hann.

Gaman væri að fá einhverja alvöru sambærilega könnun um íslenskrar rokkstjörnur. Rúni Júl heitinn myndi taka fyrsta sætið og Bubbi númer tvö. Þessi tvö sæti eru frátekin fyrir þessa snillinga.

Spurning með restina? Tillögur (sjá m.a. skoðanakönnun hjá mér hér til hliðar)?


mbl.is Mercury mesta rokkhetjan
Tilkynna um óviðeigandi tengingu við frétt

Lausgirtir enskir landsliðsmenn

Það virðist vera sem annar hver landsliðsmaður Englands virðist hafa knýjandi þörf til að halda framhjá eiginkonunni - og þá helst með "háklassa" vændiskonu. Einnig virðist vera "lenska" hjá þessum piltum að láta athæfið komast upp.

Nú hefur Wayne Rooney fetað í fótspor ekki ómerkari manna en John Terry, Ashely Cole, Peter Crouch (a.m.k. og lílega eiga fleiri hneykslismál eftir að líta dagsins ljós), sem allir hafa það sammerkt að hafa haldið framhjá eiginkonu sinni.

Þurfi Rooney nú frí frá landsliðinu til að greiða úr flækjum í einkalífinu er ljóst að Fabio Capello landsliðsþjálfari er í miklum vandræðum. Ekki sérstaklega fyrir það í sjálfu sér að Rooney muni e.t.v. missa af næsta leik. Aðal höfuðverkur þjálfarans er að flestir landsliðs leikmenn Englands virðast vera gríðarlega heimskir og með greindarvísitölu lægri en landsliðsmenn annarra landa. Það er meiri hætta á það enskir landsliðsmenn missi af landsliðsleik vegna framhjáhalds heldur en meiðsla.

Allt ofangreint á þó auðvitað ekki við um landsliðsmenn Liverpool. Þeir eru öðrum enskum fremri í háttvísi, virðingu og trausti.


mbl.is Óvissa með Rooney vegna blaðaskrifa
Tilkynna um óviðeigandi tengingu við frétt

Forgangsröðun

Það fer meiri tími í það hjá ríkisstjórninni að skipta um ráðherra en hugsa um hag heimilanna.

Ríkisstjónin á að segja öll af þér. Það er ljóst að "Operation: Skjalborg"; tókst ekki. Atvinnulífið er lamað. Heimilin verulega löskuð. Ríkisstjónin veldur ekki verkefni sínu. Þess vegna á hún að víkja áður en hún veldur þjóði og landi meira tjóni en orðið er.


mbl.is Þingflokkar funda í allan dag
Tilkynna um óviðeigandi tengingu við frétt

Sebastian Coe var samt betri

Í millivegalengdahlaupum frá 800m (sem er e.t.v. frekar spretthlaup) og í 10km hlaup á braut eru yfirleitt notaðir hérar til að ná upp góðum hraða. Nú hefur frábær hlaupari frá Kenía, David Rudisha slegið heimsmetið í tvígang sem annar (danskur) Keníamaður setti fyrir 13 árum (sem einnig notaði héra).

Hinn breski Sebastian Coe hljóp 800m á 1:41.73 án héra árið 1981. Ég tel það vera meira afrek enda hljóp hann síðari hringinn nánast alveg einsamall.


mbl.is Rudisha bætti eigið heimsmet í 800 metra hlaupi
Tilkynna um óviðeigandi tengingu við frétt

Stoke city og Eiður Smári. Blendnar tilfinningar

Gott að Eiður Smári er kominn með klúbb.

Gott að Íslendingar eiga ekki lengur klúbbinn.

Gott að Eiður Smári geti þá e.t.v. gefið kost á sér í landsliðið?


mbl.is Eiður búinn að semja við Stoke
Tilkynna um óviðeigandi tengingu við frétt

Gangi þér allt í haginn Jóhannes

Það er ekki hægt að deila um það að Jóhannes kaupmaður í Bónus gerði það sem engum öðrum tókst; að lækka matvöruverð á Íslandi verulega þegar enginn annar virtist hafa til þess viljann eða getuna. Hann kann að vera umdeildur en um þetta er ekki hægt að deila.

Jóhannes í Bónus er gjafmildur maður og gaf oft til líkarfélaga og annarra sem stöðu föllum fæti hér á landi. Hann fann til samfélagslegrar ábyrgðar meira en magur annar í hans stöðu.

Ég óska honum velfarnaðar utan Haga sem og í baráttunni krabbameinið og vona að hann hafi þar betur.


mbl.is Jóhannes hættir hjá Högum
Tilkynna um óviðeigandi tengingu við frétt

Einn besti íþróttamaður landsins

Frábært afrek hjá Gunnari Nelson. Hann er að sýna og sanna að hann er á réttri leið með að hætta að verða einn af efnilegustu bardagamönnum í heimi. Hann er einfaldlega ekki efnilegur lengur heldur mjög góður. Gunnar er að nálgast þá bestu í heiminum í sínum þyngdarflokki.

Það kemur að vísu ekki fram í fréttinni en ég held að drengurinn sé ósigraður ennþá.


mbl.is Gunnar sigraði einn efnilegasta Bretann
Tilkynna um óviðeigandi tengingu við frétt

Áfall

Hinn mennski Tiger Woods (áður talinn ofurmenni) og hin sænska Elin Nordegren eru skilin. Það er hinn harði veruleiki sem allir kylfingar (líka þeir sem eru með 36 í forgjöf) verða að sætta sig við. Við sem einhvern tímann höfum stundað golf héldum að Tiger væri ósigrandi ofurmenni, fyrirmyndarfaðir og eiginmaður. Svo bregðst krosstré sem 3-tré (Callaway).

Skilnaðurinn er reyndar gleðiefni fyrir Svía en gjaldeyrirsvaraforði Seðlabankans þar í landi mun aukast umtalsvert þegar Elin flytur heim til Svíþjóðar með helming eigna Woods.


mbl.is Tiger Woods og Elin skilin
Tilkynna um óviðeigandi tengingu við frétt

Andlegir yfirburðir Liverpool

Andlegir yfirburðir Liverpool munu leiða þá til sigurs í kvöld þótt á útivelli sé.

Leikmenn Man. City spila fyrir launatékkann og eru uppteknir við að reikna út heildarlaun og launatengd gjöld og skattaafslátt á meðan leikmenn Liverpool spila með hjartanu fyrir sitt lið sem flestir elska (allavega meirihluti Íslendinga).

Liverpool tekur þennan leik 1-2.

YNWA.


mbl.is Enn eitt jafntefli City og Liverpool?
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband