Fyrirmyndarbærinn Blönduós

Einungis einn maður var vitlaus með víni á Blönduósi um jólin. Þetta er besti árangur í áfengisvörnum sem um getur á síðari tímum hér á landi. Að sögn kunnugra er hér líklega um Norðurlandamet að ræða þegar um er að ræða sveitarfélög sem telja yfir 500 manns.

Einn með drykkjulæti á Blönduósi

Óheppilegt nafn fyrir íþróttamann

Ég hélt fyrst að sú frétt að bakvörðurinn Tom Cruise fengi tækifæri með hinu "sæmilega" Arsenal liði væri lélegur brandari. Sú er ekki raunin. Hann er aðeins 18 ára þessu ólánsami piltur sem heitir í höfuðið á nafna sínum í Hollywood. Þeir munu ekki vera skyldir. Annað hvort eru foreldrarnir með Tom Cruse (leikarann) á heilanum eða þau voru vandræðalega illa upplýst um kvikmyndiðnaðinn í Hollywood á níunda áratugnum. Tom Cruise var orðinn nokkuð þekktur leikari fyrir 26 árum og mjög þekktur eftir myndina Top Gun (1986) sem er raunhæf lýsing á starfi orustuflugmanna í bandaríska flughernum.

Hvernig haldið þið annars að það myndi ganga fyrir ungan og efnilega leikara, Muhammed Ali að nafni, að koma sér á framfæri í kvikmyndaiðnaðinum í Hollywood?

Þetta nafn piltsins mun klárlega koma í veg fyrir að hann eigi einhvern feril sem atvinnumaður því hver getur tekið Tom Cruise alvarlega á knattspyrnuvelli? Ekki nema hann sé góður að fiska aukaspyrnur og taka dýfur eins og góður leikari kannski. Hans eiga von er því að skipta um nafn (má ég leggja til Thomas Kraus).

Tom Cruise er í byrjunarliðinu

Einhver tilkynni Samkeppniseftirlitinu brotið

Það er gróf brot á samkeppnislögum að ríkisstarfsmenn eins og jólasveinarnir skulu mismuna fyrirtækjum í einkageiranum. Ég hef ekkert á móti Jarðböðunum í Mývatnssveit en af hverju styrkja jólasveinarnir eingöngu Jarðböðin fyrir norðan en láta ekki sjá sig í Bláa lóninu sem er með sambærilegan rekstur. Mér er alveg sama þótt jólasveinarnir hafi verið að skemmta sér í Dimmuborgum það er engin afsökun- þetta er alvarlegt brot á samkeppnislögum og þeir verða að sinna fólki fyrir sunnan líka.

Svo fara þeir bara á prjónabrókunum út í jarðböðin. Er þetta leyfilegt með tilliti til krafna um eðlilegt hreinlæti sem við gerum á baðstöðum. Ekki má almenningur fara í prjónabrókum eða brókum yfirleitt ofan í böðin?

Ég skora á jólasveinana, sem flestir vita að búa í Esjunni, að gera bragarbót á og heimsækja Bláa lónið hið snarasta.

Jólasveinar fóru í Jarðböðin

Jæja Benítez. Alltaf í boltanum?

Ég get bara varla horft upp á þessa hörmung lengur og votta Liverpool bræðrum og systrum samúð mína. Okkar mönnum tekst ítrekað á ótrúlegan hátt að fara niður á sama plan og léleg lið, sérstaklega á útivelli. Ég horfi á leikinn áðan og það var beinlínis átakanlegt að sjá hvað Liverpool menn hafa litla trú á sjálfum sér.

Senjorinn nær ekkert meira út úr þessu liði ég held að flestir átti sig á því. Ég kalla það gott ef liðið nær 4 sætinu í deildinni næsta vor þótt maður haldi í þá veiku von að þeir verði í baráttunni um FA bikarinn. Það vonda við að reka Benítez nú er að þá fer Torres og borga þarf Rafa út margra ára samning.

Við Púllarar verðum bara að "feisa" að það eru bara 4 heimsklassa leikmenn í liðinu: Gerrard, Torres, Reina og Johnson sem var langbesti maður Liverpool í dag. Það dugar hreinlega ekki til að halda í við Chelski og Manjú.

Stórsigur hjá United - Markalaust hjá Liverpool - Sigur hjá Arsenal

Samtök fjármálafyrirtækja lýsa upp skammdegið

Það er mikil þörf á því að vekja athygli á þeirri ákvörðun Reykjavíkurborgar að draga úr götulýsingu og auka myrkrið enn frekar í skammdeginu. Annars er hætta á því að fólk verði of bjartsýnt í kreppunni.

Ég var að keyra Kringlumýrarbrautina (til norðurs) á milli Garðabæjar og Kópavogs ca 10:15 í morgun þegar skyndilega dimmdi ákaflega og öll ljós slökknuðu. Ég hélt fyrst að dómsdagur væri kominn en það gat ekki verið því árið 2012 er ekki komið. Ástæðan var þá sú að Hanna Birna vill spara pening og draga úr óþarfa lýsingu á götum borgarinnar yfir vetrartímann. Ég komst þó klakklaust á leiðarenda þótt myrkrið grúfði yfir borginni og eirði engu.

Ég skil vel að spara þurfi hjá borginni. Mér finnst líka að það ætti að skipta út öllum 40w perum á skrifstofum kjörinna borgarfulltrúa hvort sem þeir eru í stjórn eða stjórnarandstöðu og notast við 15w perur í staðinn. Með þessu væri auðveldlega hægt að spara allt að 100.000 þúsund á ári.

Mér finnst skemmtilegt að SFF (Samtök fjármálafyrirtækja) séu að vekja athygli á þessari staðreynd en ekki hagsmunaaðilar eins og Vegagerðin, lögreglan, FÍB eða aðrir. Í fréttinni segir reyndar að innan SFF séu tryggingarfélög en þetta hljómar eitthvað skrýtið. Eru ekki til hagsmunasamtök tryggingarfélaga?

Segja sparnað í lýsingu skapa hættu

Er ég nokkuð of neikvæður?

Ef ég er svolítið hugsandi yfir þessum ,,árangri" karlalandsliðsins í borðtennis? Liðið lenti í 41. sæti á Evrópumóti landsliða í Þýskalandi. Hvað kepptu mörg lið á mótinu?

Hvað eru annars mörg lönd í Evrópu? Töpuðum við kannski fyrir Vatíkaninu líka? Var einhver andsnúinn Borðtennissambandinu sem lak þessari frétt?

Ísland í 41. sæti á EM í borðtennis

Áhugasamir fjárfestar

Ég er að reyna að átta mig á þessari frétt frá viðskiptadeild mbl.is. Hún er svona í stuttu máli: Dularfullir og ónafngreinir aðilar hafa samband við einkafyrirtæki, þ.e. Kaupás (Nóatún) og vilja kaupa fyrirtækið. Þeir fá gögn en ekkert varð af sölunni. Hver er fréttin? Mér sýnist þetta frekar líkjast auglýsingu um fyrirtæki til sölu en ekki frétt.

Skrýtin fyrirsögn líka með þessari frétt. Fjárfestarnir voru samt ekki áhugasamari en svo að þeir keyptu ekki!

Fjárfestar áhugasamir um verslanir Nóatúns

Fyrst norskur seðlabankastóri - nú þetta?

Megum við Íslendingar ekki eiga neitt út af fyrir okkur lengur. Eitt helsta menningarvígi Íslands er nú fallið. Takk Mjólkursamsala! Farið er að selja íslenskt skyr í Noregi! Skyr er reyndar eingöngu íslenskt. Ef ég þekki Norðmenn rétt hætta þeir ekki fyrr en þeir verða búnir að telja sjálfum sér trú um að skyr sé norskt að ætt og uppruna sem og að auglýsa það út á við. Alveg eins og þeir reyndu að stela Leifi Eiríkssyni frá okkur.

Íslenska fótboltalandsliðið gerði aðeins jafntefli við skítlélegt norskt lið sem gæti ekki unnið norska kvennalandsliðið á góðum degi. Við erum umvörpum farin að flytja aftur til gamla landsins. Einn æðsti embættismaður landsins var norskur (nýhættur þó blessunarlega). Norðmenn ætla að vinna olíuna okkar á Drekasvæðinu. Geir Hilmar Haarde og Siv Friðleifsdóttir eru norsk að uppruna. Og hvað hafa allir þessir Norðmenn verið að gera hjá Liverpool? Það mætti segja mér að Norðmenn séu að taka yfir okkar þjóðfélag smátt og smátt án þess að við tökum eftir því.

Verður maður ekki að fara að æfa sig og segja "heja Norge"?

Skyr slær í gegn í Noregi

Hvað er að fólki?

Ef mér hefur einhvern tímann verið misboðið þá er það þessi niðurstaða. Ég geri ráð fyrir að kjósendur í könnuninni séu fyrst og fremst konur og samkynhneigðir karlmenn. Ég ber virðingu fyrir báðum þessum þjóðfélagshópum en hér er mér misboðið. Auminginn hann Daniel Craig var kosinn flottastur. Hann sem hafði ekki einu sinni haldið á leikfangabyssu áður en hann fór að leika James Bond. Hvað er eiginlega að ske? Borat stendur annars náttúrulega upp úr þessum hóp sem kjósa átti á milli sem sína löngu og mjóu hvítu fótleggi.

Ég spyr af hverju var ekki bardagahetjan Chuck Norris í þessari könnun? Hann er mestur manna sem gengið hefur um á þessari jörð að Jesú undanskildum.

---

Þessi pistill er skrifaður af gagnkynhneigðum hvítum karlmanni og endurspegla skoðanir hans engan veginn afstöðu mbl.is. Áskilinn er réttur til samkynhneigðar ef Chuck Norris kemur til Reykjavíkur.

Craig með besta búkinn

Endurskoðandi á villigötum

Mér er sama þótt maðurinn sé frá Kongó. Mér er sama þótt hann sé blökkumaður með háskólapróf í debet og kredit. Þessi endurskoðandi er fólk er fífl. Hann á að handtaka þegar í stað og setja í ævilangt gæsluvarðhald eftir að fram hefur farið óháð geðheilbrigðisrannsókn á honum.

Bienvenu Mbutu Mondongo heitir endurskoðandinn og nafnið út af fyrir sig er lögreglumál. Þessi reikningshaldari lætur sér ekki nægja að heita óviðráðanlegu nafni heldur reynir hann að sverta Tinna, eilífðarhetju okkar Vesturlandabúa. Hann er sakaður um kynþáttafordóma. Það er fáránlegt! Allt eins má spyrja hvort ekki megi saka Tinna um fordóma gangvart glæpamönnunum sem hann svo hetjulega barðist á móti og hafði ávallt sigur. Tinni hefur verið grunaður um að vera samkynhneigður vegna þess að honum þótti vænt um vini sína og hafði tilfinningar þótt hann væri hetja. Ég vísa þannig hugleiðingum "straight" til föðurhúsanna. Hann var líka sakaður um að hata Japani og halda með Kínverjum. Gott ef Inkarnir í Perú höfðu ekki horn í hári Tinna einnig. Munum það að þessi hetja hefur komið til Íslands.

Mondango má fara til Mannréttindadómstóla Evrópu mín vegna. Hann mun samt ekki hafa erindi sem erfiði. Tinni mun næsta auðveldlega koma honum á bak við lás og slá með aðstoð Kolbeins kafteins, hundsins Tobba og lögreglutvíburanna Skafta og Skapta.

Vesturlandabúar! Sláum tjaldborg um Tinna!

Tinna stefnt fyrir kynþáttafordóma